- Vokshi informon Forumin mbi përmbushjen e detyrimeve nga qeveria shqiptare në procesin e liberalizimit të vizave
- Europarlamentaret: ” I vetmi problem për Shqipërinë dhe shqiptarët mbetet opozita që për fat të keq po shkon në një drejtim të gabuar duke dëmtuar imazhin e vendit”
Në datë 25 Mars 2010, në Bruksel u zhvillua Mbledhja e Bordit të Përgjithshëm të Forumit të Grave të Partive Popullore Europiane (EPPW) ku e ftuar ishte edhe Znj. Albana Vokshi, Kryetare e Lidhjes Demokratike te Gruas së Shqipërisë dhe Deputete e PD.
Në këtë aktivitet u organizuan edhe takime me komisioneret anëtare të këtij forumi Znj. Vivinane Reding (komisionere për Drejtësinë dhe të Drejtat e Njëriut) si dhe komisioneren Vissiliou (komisionere për Arësim, Kulturën dhe Rininë). Te dyja komisioneret, shpjeguan strategjitë dhe planet aftshkurtra dhe afatmesme të Bashkimit Europian në këto dy fusha.
Në mbledhjen e Bordit të Forumit të Grave të PPE, u diskutua dhe u mirarua rezoluta “Gruja dhe Kriza Ekonomike” e cila duke u fokusuar në efektet e kësaj krize që ka prekur shumë vende të Evropës, sidomos tek gratë, i bën rekomandime BE dhe vendeve anëtare që në këto kushte të kenë në vëmendje efektet tek gratë si dhe mënyrën se si ato do të mund të kontribuojnë për të parandaluar rënien e mëtejshme të ekonomive të vendeve antare.
Znj. Vokshi, në bashkëbisedimin me dy komisioneret, informoi rreth zhvillimeve të fundit në fushën e barazisë gjinore në Shqipëri si dhe kërkoi që vendet kandidate dhe kandidatët potenciale të mos liheshin mënjanë në këto strategji të këtyre sektorëve të rëndëishëm por të kiheshin në vëmendje të projekteve dhe planeve strategjike të BE. Në këtë kuadër, u rekomandua që një grup nga vendet kandidate ose kandidate potenciale të ftoheshin në aktivitetet e planfikuara për hartimin e këtyre programeve afatmesme dhe afatgjata të BE pët të dhënë edhe ata kontributin dhe këndvështrimin e tyre.
Më tej, në fjalën e saj znj. Vokshi raportoi pjesëmarrësit për punën me përkushtim të Qeverisë dhe të gjitha institucioneve të tjera në përmbushjen e të gjitha detyrimeve në procesin e liberalizimit të vizave në të katër blloqet. Kjo, theksoi znj. Vokshi, nuk është cështje e një dite, një muaji, apo dy ose tre muajsh apo qoftë edhe e një viti por është “workin progress” dhe qeveria është e angazhuar për të vijuar me përkushtim punën e saj në drejtim të thellimit dhe përmirësimit të të gjitha reformave të ndërmarra në këtë drejtim.
Ky është është një nga momentet më të rëndësishme për shqiptarët, kur ëndërra e tyre për lëvizjen e lirë mund të bëhet realitet, e për këtë kërkoi mbështetjen e të gjithë të pranishmeve jo vetëm të europarlamentareve të ftuara në takim, por edhe të gjitha zonjave të tjera të cilat mund të mbëhtesnin këtë proces të rëndësishëm për Shqipërinë ne Qeveritë dhe Parlamentet e vendeve anëtare të BE-së.
Znj. PACK, Presidente e Forumit të Grave të EPP, në fjaën e saj përvec të tjerave vlerësoi shumë punën e bërë nga Qeveria këto muajt e fundit për përmbushjen e të gjitha detyrimeve të vëna për procesin e liberalizimit të vizave.
Ajo theksoi faktin që grupi i Europarlamentarëve (që përfaqësonin grupe te ndryshme në PE), që vizitoi Shqipërinë javën e shkuar, kishin certifikuar që të gjitha kushtet teknike dhe refrormat institucionale të kërkuara ishin përmbushur plotësisht nga Shqipëria.
Znj. Pack theksoi: “Ju keni bërë cdo gjë që ju është kërkuar, e tani ju duhet të merrni shpërblimin që ju takon për tërë punën e bërë”, dhe inkurajoi Qeverinë Shqiptare që të vazhdonte me tej punën shumë të mirë të saj. Nga ana e saj znj. Pack premtoi mbështetje maksimale në Parlamentin Europian dhe i bëri thirrje edhe grave politikane të pranishme në takim që të që të ndikonin në qeveritë e vendeve të tyre anëtare të BE-se për të mbështetur Shqipërinë në këtë proces kaq të rëndësishëm.
Më tej, në fjalët e tyre, disa Europarlamentare dhe diskutante të tjera vunë në dukje faktin që i vetmi problem për Shqipërinë dhe shqiptarët mbetet opozita që për fat të keq po shkon në një drejtim të gabuar. Me këtë, opozita – theksuan ato – po i bën dëmin më të madh Shqipërisë, duke dëmtuar imazhin e saj në botë.
Të gjitha të pranishmet siguruan mbështetje maksimale për procesin e liberalizimit të vizave për Shqipërinë por edhe për procesin e integrimit të Shqipërisë në BE.
