Ditët e fundit Edvin Kristaq Rama apo piktori që mburret se po nxin imazhin e vendit, në një akt të pashëmbullt në historinë e pluralizmit na shfaqi modelin e shtypit të presidiumit.

Kështu Z.Rama realizoi këto ditë një atentat të vërtetë ndaj lirisë së shtypit.

Përfaqësuesit e mediave që i kontrollon 24 orë në 24 i detyroi të zënë vend në presidium pranë tij në vënd të eksponentëve të Partisë Socialiste apo aleatëve të tij, ndërsa mediat e tjera , në trajtimin e tij cinik i la në plate duke iu dhënë përgjigjë me ngërdheshje të denja vetëm për armiqtë e fjalës së lirë.

Partia Demokratike, themeluese e lirisë së mediave në Shqipëri dënon këtë qëndrim të pashëmbullt të Z.Rama të diskriminimit ekstrem të mediave.

PD gjithashtu u bën thirrje mediave të lira të mos pranojnë “kutizmin”, për interesa të ngushta të një njëriu që mburret se po lyen me bojë të zezë imazhin e vendit të tij.

Jam këtu për të përshëndetur faktin se sot pas 72 ditësh, më në fund Edvin Kristaq Rama doli para mediave në përmbushje të një detyrimi bashkiak duke treguar rindërtimin e një lulishteje me disa metra katror sipërfaqe.

Z. Rama gajasi ata 5-6 punonjës të Bashkisë, të maskuar si qytetarë, kur u tha se lulishten po e ndërton, por po e pengon qeveria.

Prej kohësh zoti Rama ka vendosur me vullnetin e tij që të jetë “full time”  Kryetar Kutie, e herë pas here “part time”  Kryetar Bashkie, e për këtë nuk e ka fajin qeveria.

Gjatë qeverisjes së kësaj mazhorance, buxheti i Bashkisë së Tiranës është rritur me disa fish, dhe këtë qytetarët e kryeqytetit e dinë mirë, ashtu sikurse dinë mirë edhe faktin, se pozicioni i Kryetarit të Bashkisë është vakant, për shkak të refuzimit të zotit Rama për të kryer detyrën.

Por një gjë është sigurt se vetëm ikja dhe largimi i tij do ti hapë rrugë zhvillimit të kryeqytetit