Këto ditë, pinjollët e bllokut apo bllokmenët e rinj, Edvin Kristaq Rama, Xhelil Gjoni i ri, Sul Bushati i ri, Bilbil Klosi i ri, Beqja i ri, Shamku e re së bashku me antarët e vjetër të nomenklaturës komuniste Rucin, Doklen e Gjinushin shpallën me gojën e Edvin Kristaq Ramës, liderit lakuriq, platformën e re anti–shqiptare me moton “nuk na duhen të huajt”.

Prapa platformës së bllokmenëve të rinj dhe punistëve të vjetër se “nuk na duhen të huajt”, qëndron rikthimi në genin e etërve të tyre, të cilët për interesa të pushtetit të tyre kriminal i rezervuan vendit izolimin më të thellë.

Motoja “nuk na duhen të huajt” e pinjollëve të bllokut dhe punistëve të rregjur, të kryesuar nga lideri lakuriq Edvin Kristaq Rama, në një kohë kur shqiptarët kanë nevojë jetike lëvizjen e lirë pa viza në Evropë dhe integrimin e vendit në Bashkimin Evropian, dëshmon qartë se këta shokë nuk kanë interesa të tjera përvec mbrojtjes me cdo kusht dhe me cdo cmim të interesave të tyre personale dhe të kupolës së mafies që drejtojnë .

“Nuk na duhen të huajt” do të deklaronte Edvin Kristaq Rama në emër të bllokmenëve të rinj dhe punistëve të vjetër, ndërkohë që 96% e shqiptarëve mbështesin integrimin e vendit në BE si projektin më të bukur për veten dhe fëmijët e tyre.

Duke dënuar këtë platformë anti – shqiptare dhe anti – demokratike, kruekëput në funksion të interesave të mafies dhe ekonomisë së saj kriminale, Partia Demokratike  u deklaron bllokmenëve të rinj se përpjekjet e tyre për të izoluar vendin sot, do të marrin ndëshkimin më të reptë dhe më të merituar nga shqiptarët.

Edi Rama vazhdon avokatinë e tij ndaj mafies, me kupolën e të cilës ka ndarë 500.000 metër katror sipërfaqë ndërtimi në zemër të Tiranës e përreth saj, me të cilën ka ndarë tokat publike të qytetit të Tiranës dhe me të cilët po mban peng Partinë Socialiste jashtë Parlamentit.

I tronditur nga beteja ligjore kundër mafies, njëriu që ka ndërtuar pallatet e tij mbi rrugët e qytetit, njëriu që miratoi qytezën Rama – Delijorgji me 52 pallate, që 70% të lejeve të ndërtimit i merr për vete nëpërmjet Eftimit dhe Ledi Lejes, tani ndërsen cakejt e tij cdo ditë për të denoncuar luftën, pa ngjyra politike, të z.Berisha kundra mafies. Madje shpreh dhe shqetësimin pse kryeministri Berisha paska kërkuar mbështetjen e PPE (Partive Popullore Evropiane) në këtë luftë.

Mund ti bëjmë të ditur z.Rama, kryetarit pa të mbathura, se në këtë betejë z.Berisha është i vendosur të bëjë luftë me tolerancë zero ndaj mafies pa asnjë dallim politik dhe se ka marrë mbështetjen e fuqishme nga aleatët e tij të PPE-së, të cilët duartrokitën zotimin e kryeministrit Berisha në Kongresin e zhvilluar në Bon për të vazhduar këtë luftë me tolerancë zero.

“Statusi i ri, detyrim për të respektuar rregullat themelore të demokracisë”

“Partia Demokratike, shpreh vlerësimin e saj për marrjen zyrtarisht të “Statusit të Antarit të Asociuar” në Partinë Socialiste Evropiane, nga Partia Socialiste e Shqipërise.

E vlerësojmë këtë, si një zhvillim pozitiv që vjen automatikisht si rezultat i faktit, që Shqipëria ka firmosur dhe ratifikuar nga të 27 vendet antare të Bashkimit Evropian, Marrëveshjen e Asociim-Stabilizimit, ç’ka përbën një kusht “sine qua non” për një parti, për të marrë statusin e antarit të asociuar.

Me këtë rast, do të ishte e udhës që zoti Rama, të kërkojë ndjesë publike për bilbilat dhe boritë që përdori për të bllokuar firmosjen e Marrëveshjes së Asociim Stabilizimit me Bashkimin Evropian, dhe ç’është më e rëndësishmja, të kuptojë se statusi i ri, është i denjë vetëm për parti që respektojnë rregullat themelore të demokracisë”.

I pyetur nga gazetarët e pranishëm për të komentuar faktin që z.Rama thotë se Partia Socialiste është “antare me të drejtë vote” në PES, zoti Strazimiri u përgjigj si më poshtë vijon:

“ Uroj që të mos jetë si puna e rezolutës, për të cilën Rama mashtroi shqiptarët sikur u miratua duke detyruar PES ta përgënjeshtrojë si mashtrim të Ramës”

Shqiptarët, ish qytetarët më të shtypur në Evropë, ashtu si dhe ju takonte, festuan më madhërishëm se kurrë dhe se të gjithë, 8 dhjetorin , ditën e shëmbjes së murit të Berlinit, ditën e parë të lirisë së tyre.

Festimi i rënies së perdes së hekurt nga qytetarët shqiptarë pati jehonë të jashtëzakonshme në rrjetet televizive dhe gazetat më të mëdha të Evropës dhe mbarë botës.

Por më 8 dhjetor, ditën e përmbysjes së bllokmenëve mizorë, pinjollët e tyre të Partisë Socialiste ishin të vetmit në Evropë që jo vetëm nuk morën pjesë në festimet e kësaj date që ndan historinë por dënuan festimin e saj.

Partia Demokratike dënon këtë qëndrim unik në Evropë të Edi Ramës dhe grupit të pinjollëve të tjerë të bllokut dhe deklaron se:

Në themel të bojkotit të Parlamentit, mohimit të vullnetit të lirë të qytetarëve dhe të bojkotit dhe denoncimit të 8 dhjetorit si antimiting nga Edvin Kristaq Rama dhe grupi punisto mafioz në krye të Partisë Socialiste qëndrojnë:

mbrojtja dhe krenaria e pinjollëve të bllokut për krimet e shëmtuara të etërve të tyre ,

qëndrojnë firmat e Kristaq Ramës për ekzekutimin dhe varjen e disidentëve dhe qytetarëve të pafajshëm edhe në vitin e rënies së murit të Berlinit

qëndrojnë firmat e Xhelil Gjonit dhe Sul Bushatit dhe ish bllokmenëve të tjerë, për internimin, burgosjen e fëmijëve, grave, burrave të pafajshëm në rrethet ku ata kanë drejtuar.

Në themel të bojkotit të parlamentit dhe etiketimit si antimiting të festimit më madhështor në historinë e vendit,

qëndrojnë interesat e aleancës punisto mafioze,

qëndrojnë mbi 500 mijë metër katror troje publike dhe private të grabitura nga Dulakët, Kokëdhimat, Yjet, Deshët, Besnikët, Doshët, Leskajt e Edvinit ,

qëndrojnë pallatet e ndërtuara mbi rrugë qindra vjecaretë Tiranës, spostimet e Lanës nga këta ton ton makut të pangopur.

Por në themel të qëndrimit të Edvin Kristaq Ramës ndaj vullnetit të zgjedhësve shqiptarë, të provokimit të tijë të ulët, duke mbushur Tiranën me plehra në prag të festës së 8 dhjetorit ,

qëndron amoraliteti i burrit që del lakuriq me të shoqen në plazhet publike, sic provojnë fotot e shpërndara në të gjithë botën,

 e birit që akuzon të atin si baba të djalit të tij,

e prindit që i mohon për 9 vjet rrjesht kafshatën e gojës djalit të tij, e bashkeshortit që rreh për spital gruan e tij sic provon dosja gjyqësore që zgjati 9 vjet, e botuar nga ndihmësi i tij më i ngushtë Ymer Baze.

Sot është dita ndërkombëtare kundër korrupsionit, ditë në të cilën, Partia Demokratike u bën thirrje të gjitha autoriteteve shtetërore, të rrisin transparencën dhe të japin kontributin e tyre në luftën kundër këtij kanceri të vërtetë.

Partia Demokratike gjithashtu denoncon Edvin Kristaq Ramën, njëriun që për 9 vite rrjesht i mohoi atësinë dhe kafshatën e gojës djalit të tij, si strumbullarin e korrupsionit në Shqipëri. Njëriun që ka shndërruar Bashkinë e Tiranës në simbolin e shëmtuar të korrupsionit në Shqipëri dhe në botë.

Kështu në këtë Bashki, 70% e lejeve të ndërtimit merren nga Rama, Shkreli dhe Eftimi, ndërkohë që vetëm për “qytezën Rama-Delijorgji” u dhanë leje ndërtimi për 52 pallate.

Mbi 500.000 m2 troje publike dhe përvetësime të trojeve private, u morën nga kupola e mafies së Tiranës, 5 deputete të Partisë Socialiste dhe tre koska të tjera mafioze.

Ndërkohë që për të tjerët, për të marrë një leje ndërtimi, duke iu referuar raportit të Bankës Botërore, në Tiranë duhen 399 ditë, duke e renditur kështu Bashkinë e Tiranës në një nga tre Bashkitë më të korruptuara në botë për lejet e ndërtimit.

Edvin Kristaq Rama, që mburret me krimet e të atit, është i vetmi Kryetar Bashkie në botë që për të ndërtuar pallatet e tij u bllokon rrugën qytetarëve në qëndër të qytetit, i devijon lumin qytetit dhe përvetson qindra mijëra metra katrorë prona publike për të fryrë kontot e tij dhe të mafies që kryeson.

Pas familjarëve të  të ndjerit Havzi Nela dje edhe Shoqata e të Përndjekurve Politik i kërkoi Edvin Ramës të kërkojë ndjesë publike për krimet e të atit dhe ti dënojë ato publikisht.

Po dje, një numëri konsiderueshëm shoqatash të mbrojtjes së të drejtave të grave dhe fëmijëve, në një protest paqësore para bashkisë së Tiranës, i kërkuan Edvin Ramës të kërkojë ndjesë publike për dhunën dhe qëndrimin e tij c’njerëzor ndaj njerëzve të familjes së tij, që sic faktohet nga dosja gjygjësore e botuar nga ndihmësi i tij kryesor aktual Ymer Baze , z.Rama i ka mohuar për 9 vite me rradhë jo vetëm atësinë por edhe kafshatën e gojës djalit të tij si dhe ka rrahur, dhunuar e bërë për spital bashkëshorten e tij.

Të gjitha këto Edvin Kristaq Rama mendon se do ti kalojë në heshtje dhe me sa duket nuk gjen asnjë forcë për të shprehur pendesën më minimale e për të kërkuar ndjesë publike për aktet e tij të shëmtuara.

z.Rama aktet e tua të pashëmbullta c’njerëzore sdo mund të kalohen apo mbulohen kurrë me shpifje apo trillime të ulta për të tjerët.

Partia Demokratike mendon se akti i qeseve të zeza me plehra të njëriut shpirtkazëm,

që i ka mohuar kafshatën e gojës djalit të tij të vetëm për 9 vjet rrjesht, që ka akuzuar të atin si baba të fëmijës së tij, që ka trajtuar në mënyrë c’njerëzore bashkëshorten e tij apo ka dalë me tjetrën nudo në plazhet publike,

është akti i fundit i psikopatisë dhe paranojës së një njëriu që për interesat e veta personale dhe të mafies që përfaqëson, nuk nguron të ndërmarrë cdo akt përfshi edhe qeset e zeza me plehra ndaj qytetarëve të Tiranës.

Partia Demokratike duke shprehur vlerësimin e vet të palëkundur për opozitën deklaron se pleh – opozitarizmi është forma mafioze e të bërit opozitë dhe ska asnjë lidhje me opozitën e vërtetë.