Kryesia e Partisë Demokratike në mbledhjen e sotme vendosi thirrjen e Kuvendit Kombëtar Zgjedhor ditën e shtunë më datë 12 Dhjetor 2009 në Pallatin e Kongreseve në Tiranë, në orën 10.00.

Ky Kuvend Kombëtar Zgjedhor do të jetë akti final i procesit të analizave për zgjedhjet e përgjithshme të 28 Qershorit si dhe i zgjedhjes së antarëve të Këshillit Kombëtar të Partisë Demokratike në kuvendet e degëve.

Këto analiza do të shoqërohen me të gjitha korrigjimet e nevojshme në drejtimin e strukturave locale për të mënjanuar difektet e mundshme të vërejtura në zgjedhjet e 28 Qershorit.

Kryesia e Partisë Demokratike në plotësim të detyrimeve statutore vendosi ngritjen e Komisionit të Organizimit dhe Kontrollit të Operacioneve Elektorale të Partisë nën drejtimin e Nënkryetarit të PD-së z.Astrit Patozi si dhe të Komisionit për Rishikimin e Statutit të kryesuar nga Sekretari i Përgjithshëm z.Ridvan Bode.

Kryesia e Partisë Demokratike ka bindjen e plotë se ky proces zgjedhor do të fuqizojë më tej Partinë Demokratike në të gjitha nivelet dhe përbën një moment të rëndësishëm të bazës elektorale dhe përfaqsimit publik të Partisë Demokratike.

PD, Mëhilli :Raporti sinjal alarmi për integritetin dhe profesionalizmin e medias me të vërtetën në Shqipëri.

“E kërkuam këtë komunikim me median dhe opinionin publik, për të dhënë komentet tona mbi raportin e fundit të “Reporterët pa kufij” të publikuar dje, e të keqinterpretuar, deformuar prej të njëjtëve individë e klane që çdo dite raportojne të pavertetën mbi situatën në Shqipëri.

Janë të njëjtat klane e të njëjtët individë që çdo ditë përpiqen të ngjallin katastrofizëm e panik në mediat që sundojnë, duke abuzuar me kohën, emocionet, intelektin dhe paratë e shqiptarëve. Duke pasqyruar të pavertetën, madje të kundertën e së vërtetës, për qëllime e parime krejtësisht të kundërta me ato mbi të cilat duhet të mbështesë misionin e saj një media e lirë, në një vend të lirë, informimin e paanshëm të opinionit publik.

Raporti përcjell një mesazh të qartë për të gjithë editorialistët, botuesit dhe pronarët e medias në Shqipëri për shkak se njihet tashmë mirë, dhe ne e kemi denoncuar vazhdimisht, shantazhin ose ankandin e ashtuquajtur leje ndërtimi = kohë televizive, ku Kryetari i PS-së Edi Rama është ideatori dhe ndërtuesi i këtij tregu të turpshëm.

Me moton “Të jap leje ndertimi, më jep kohë televizive ose faqet e gazetës”, Edi Rama vazhdon të ushtrojë presionin e tij korruptiv ndaj mediave, duke shtypur lirinë e fjalës dhe duke ndërhyrë deri në përcaktimin e politikave editorialiste në disa media ç’ka asgjeson çdo lloj standarti etik, profesional e njerëzor.

Është e vërtetë që raporti i publikuar i “Reporterët pa kufij” lëshon një sinjal alarmi, por jo për lirinë e medias në Shqipëri ! Raporti është një sinjal alarmi për përgjegjshmërinë, integritetin, profesionalizmin dhe raportin e medias me të vertetën në Shqipëri.

Nga ana tjetër Partia Demokratike, si partia e parë që rivendosi në Shqipëri të drejtën e fjalës dhe të drejtën e shprehjes, dhe kjo mazhorancë rikonfirmojnë vendosmërinë e palëkundur dhe angazhimin e saj në mbështetjen dhe mbrojtjen e lirisë dhe të drejtave të mediave në Shqipëri, të lirisë së të shprehurit si dy nga shtyllat bazë të demokracisë në vënd.”