Sot Edi Rama, Kryetari pa mandat i Partisë Socialiste që i dha 30 leje ndertimi Delijorgjit dhe që po ndërton qytezën me të, që 70 % të lejeve të ndërtimit në Tiranë i ndau me Shkrelin dhe Eftimin, që zotëron përqindjet  e tij në kullat që po ndërton Fideli apo në ato që po ndërton Dashi i tij, vazhdoi sërish me sulmet e rradhës ndaj familjes së Kryeministrit.

Kryetari mandat humbur i PS-së që ka shkatërruar me rradhë njëra mbas tjetrës 4 familje të vetat,  duke u shfaqur edhe në publik me sjellje të dhunshme e shtazarake, u shërbye sot sërish me kontigjentin e tij të 0,99-shave që kanë ndërtuar vilat me paratë e vjedhura nga organizata “Mjaft” e që më pas zhdukën edhe kompjuterin për të fshehur gjurmët.

Me sulmet e përditëshme familjare ndaj Kryeministrit, Edi Rama për të cilin vlerat familjare nuk ekzistojnë, përpiqet të maskojë fshehjen e pasurisë së vjedhur që ai bën me 2K,  me Edilët,  me Shkrelat, me Eftimët, me Fidelat, me Besnikët e Dashët e tij.

Sot Edi Rama, njeriu që nuk u përgjigj kurrë për 30 lejet e ndërtimit të dhëna Delijorgjit dhe për qytezën që po ndërton me të, për 70% të lejeve të ndërtimit të dhëna studiove të Shkrelit dhe Eftimit, për përqindjet që zotëron në kullën që po ndërton Fideli apo në ato që po ndërton Dashi i tij dhe fitimet marramendëse që ndan me to ndërmori sot sulmin e rradhës ndaj familjes së Kryeministrit.

Për këtë qëllim ai sot u shërbye nga një 99-she e keqpërdorur e Mjaft-it, e cila detyrohet të këndojë shpifjet dhe trillimet e Kryetarit pa mandat të Partisë Socialiste për shkakun e vetëm se me 99-shin tjetër ka ndërtuar vilat duke vjedhur paratë e Mjaftit.

Është rasti ti themi z.Rama se sulmet e tua të ulta ndaj Kryeministrit dhe familjes së tij veçse e nderojnë dhe e lartësojnë atë gjithnjë e më shumë në sytë e shqiptarëve dhe nxjerrin në pah zvetënimin e vlerave të tua morale.

Zonjushëza Spiropali me sa duket ka marrë për mision avokatinë e humbësit të madh Edi Ramës për qytezën “Delijorgji”, për 70 % e lejeve të dhëna studiove të Shkrelit dhe Eftimit, objekt i hetimit të Komisionit Parlamentar.

Avokatët e Kryetarit mandatprerë të Partisë Socialiste përpara së gjithash të përgjigjen se çfarë e shtyn z.Rama të japë leje dhjetra katëshe ndërtimi mbi monumente kulture qindravjeçare si Varri i Dervish Pashës,  ku po ndërton Fideli apo Ura e Tabakëve, ku po ndërton Dashnori?

Turpi është për z.Rama dhe Fidelët e Dashnorët e tij.

Turpi është për z.Rama që tallet me shqiptarët dhe deklaron se pasuria e tij është në limitet e varfërisë. Z.Rama në deklaratën e depozituar ka deklaruar se ka 400.000 lekë të vjetra, të kursyera nga paga në llogarinë e tij bankare. Pra praktikisht z.Rama deklaron se ka në llogari aq sa ka pagën mujore një punonjës i thjeshtë në bashkinë e tij.

Partia Demokratike është e gatshme të hapë një llogari bankare për kryetarin e bashkisë që strehoet në kullën e Myslym Pezës dhe fton të gjithë shqiptarët të kontribuojnë me aq sa kanë mundësi për të zbutur varfërinë e skajshme të z.Rama

Sot Edi Rama, humbësi i madh, kryetari pa mandat i PS-së, duke lënë mënjanë pasuritë që ka  nëpër Europë apo ndërtimin e fashatrave  turistike në Spanjë, ndërtimin e qytezës së përbashkët me Delijorgjin apo 70% e lejeve të ndërtimit në Tiranë që ndan me Eftimët e tij, nxorri për të komentuar pasuritë e Kryeministrit e familjarëve të tij trafikantin e qënieve njerëzore apo oratkun e narkotrafikantit Fatos Gjura, Taulant Ballën.

Me zhurmën e tij Edi Rama përveçse përpiqet të fshehë humbjen përpiqet mbi të gjitha të fshehë frikën dhe tronditjen që e ka kapur nga pasuritë që i ka përvetsuar dhe i fsheh me një sërë kompanish si 2K, Edil, Atelier 4 apo Studion e Shkrelit etj etj.

Ndërsa zëdhënësit të tij, ortakut të narkotrafikantit Fatos Gjura, i themi se janë të pakët ata që nxjerrin të ardhurat dhe sigurojnë jetesën me para të nxjerra nga droga apo si trafikant qëniesh njerëzore dhe se ty të pret i njëjti fat si Fatosi.